عاملين إيه ؟
البوست ده أصلا أنا كاتبه كله فرانكو مش كاتب ولا كلمة فيه بالحروف العربي اللي على الكيبورد !! إزاي بقى ده عن طريق برنامج جامد جدا مايكروسوفت نزلته اسمه Maren البرنامج ده تقدر تخليه يحول الكلام الفرانكو إلى عربي وإنت بتكتب والصراحة البرنامج جامد جدا و التوقع بتاعه رائع جدا لكن في حاجة مهمة كنت عاوز أقولها إن على اد ماالبرنامج ده و ال برامج اللي زيه بتخلينا نكتب عربي أكتر على الانترنت على اد ماهي يخلينا نستغنى تماما عن الحروف العربي وتقريبا ننساها لاننا كده بجد عمرنا ماهانسخدم الزراير العربي على الكيبورد لاننا ياما هانكتب فرانكو أصلا أو هانكتب فرانكو مترجم عربي
عموما البرنامج جامد جدا وأكيد هستخدموا بالذات في بوستس على البلوج هنا في اللابل الجديد اللي اسمه بالعربي
الحاجة برده الجديدة إن مايكروسوفت نزلت البرنامج ده ببلاش يمكن عشان عارفة إن قليل قوي من المستخدمين العرب ممكن يدفعوا فلوس مقابل سفتوار بس ياريت مايكروسوفت تنزل نسخ تشتغل على انظمة تانية غير الويندوز زي لينكس وأبونتيو وكمان ماك .... يا رب
ممكن تنزل البرنامج من اللينك ده
واتفرج على الفيديو اللذيذ ده كمان عن البرنامج
سلام
No comments:
Post a Comment